21.05.2008Mjólkurinnvigtun aldrei meiri
Innvigtun mjólkur vikuna 11-17. maí var 2.680.905 lítrar og hefur aldrei verið skráð hærri í einni viku.
Samtök afurðastöðva í mjólkuriðnaði sf hafa safnað upplýsingum um vikulega innvigtun mjólkur frá ársbyrjun 2003. Innvigtun síðustu viku var meiri en nokkra aðra viku allt frá upphafi skráninga. Eldra metið var frá árinu 2007, en mesta vikulega innvigtun það ár var um 30 þúsund lítrum lægri.
Vikuleg innvigtun mjólkur hefur verið mest fyrri hluta maí síðustu fjögur ár og því má búast við minnkandi innvigtun næstu vikurnar.
Upplýsingar um vikulega innvigtun á pdf formi má nálgast hér.